ازاي اعرف القرن من خلال معرفتي للسنة
بسم الله الرحمن الرحيم
ساعات بيجي سؤال في مادة التاريخ لحدث حصل في تاريخ معين ويقولك الحدث ده في القرن الكام.
وتدور في الكتاب متلقيش كلمة قرن في الدرس اللي بيتكلم عنه في السؤال.
بتبدأ تتوتر ضربات قلبك بتزيد عينيك بتوجعك !
Stop
انا جاي اقولك ازاي تعرف القرن بتاع اي سنة في 5 ثواني ؟
اول حاجة خلينا نبص علي تاريخ الحملة الفرنسية مثلا
الحملة الفرنسية بدأت عام 1798 وانتهت في سنة 1801
يعني من اواخر القرن 18 لحد النصف الاول من القرن 19
عرفت منين ؟
باختصار
خد اخر رقمين علي الشيمال وزود عليهم واحد
يعني اخر رقمين في تاريخ بدأ الحملة الفرنسية 17 زود عليهم 1
يبقا 18
وكذلك في تاريخ انتهاء الحملة الفرنسية 1801
خد اخر رقمين علي الشيمال اللي هما 18 زود عليهم 1
بقا 19
يعني الحملة بدأت في القرن 18 وانتهت في القرن 19
طب ازاي اعرف ان كان التاريخ ده في بداية القرن او في اواخر القرن
بسيطة جدا
خد اول رقمين علي اليمين وشوفهم لو اقل من 50 يبقا لسه في بداية القرن
لو اكتر من 50 يبقا في اواخر القرن
يعني في سنة 1798 اول رقمين علي اليمين 98 تول اكبر من 50 يبقا اذن هيبقا في اواخر القرن ال18
وفي سنة 1801 اول رقمين علي اليمين 01 يعني في اوائل القرن ال19
ده الطريقة بمنتهي البساطة جدا
طيب خلينا نشوف احنا في القرن الكام دلوقتي
احنا في سنة 2021
هناخد اول رقمين علي الشيمال نزود عليهم واحد 20+1 يبقي احنا في القرن 21
واول رقمين علي اليمين اقل من خمسين يعني في نصف الاول من القرن 21
اتمني يكون الموضوع افادكم وافاد الطلبة عشان بيجي اسئلة بتلخبط الطلبة في مادة زي مادة التاريخ بالزاد
وسلام عليكم ورحمة الله وبركاته
تعليقات
إرسال تعليق